मकवानपुर । बागमती प्रदेश सरकारले प्रदेश सभाको चालु वर्षे अधिवेशन अन्त्य गर्ने निर्णय गरेको छ ।
प्रदेश मन्त्रीपरिषद्को बुधबार बसेको बैठकले प्रदेश सरकारको वर्षे अधिवेशन अन्त्य गर्ने निर्णय गरेको सरकारका प्रवक्ता समेत रहनुभएका आर्थिक मामिला तथा योजना मन्त्री प्रभात तामाङले जानकारी दिनुभयो ।
त्यस्तै, बैठकले आर्थिक मामिला तथा योजना मन्त्रालयबाट प्रस्तावित, प्रदेश आयोजनाको वहुवर्षीय ठेक्का सहमति सम्बन्धि मापदण्डलाई पारित गरेको छ ।
त्यस्तै, मुख्यमन्त्री तथा मन्त्री परिषद्को प्रस्तावमा राम बाबु पुरीलाई श्रम रोजगार तथा यातायात मन्त्रालयमा सचीव पदस्थापन गर्ने निर्णय बैठकले गरेको छ ।
बैठकले तालिम केन्द्र भण्डारामा सुधीर श्रेष्ठ र कृषि निर्देशनालय हेटौँडामा नारायण कुमार श्रेष्ठलाई सरुवा गर्ने निर्णय गरेको छ ।
बैठकले शसस्त्र प्रहरी र नेपाल प्रहरीको शसस्त्र आवाशीय भवन निर्माण तथा संरचना सुधारका लागि विनियोजित रकमको प्रभावकारी खर्चका लागि सम्बन्धित निकायलाई अख्तियारी प्रयोग गर्न अनुमति प्रदान गर्ने निर्णय गरेको छ ।
