मकवानपुर । बागमती प्रदेश सरकारले ‘एक विद्यालय–एक नर्स’ कार्यक्रम सञ्चालनसम्बन्धी कार्यविधि संशोधनलाई पारित गरेको छ ।
विहिबार प्रदेशको राजधानी हेटौँडामा बसेको मुख्यमन्त्री तथा मन्त्रीपरिषद्को बैठकले स्वास्थ्य मन्त्रालयको तर्फबाट पेश भएको ‘एक विद्यालय–एक नर्स’ कार्यक्रम सञ्चालनसम्बन्धी कार्यविधि संशोधन प्रस्तावलाई पारित गरेको हो ।
त्यस्तै बैठकले स्वास्थ्य सेवा सुदृढीकरणदेखि सहकारी व्यवस्थापन सुधारसम्मका अन्य दुई महत्वपूर्ण निर्णयहरु पारित गरेको छ ।
बैठकले स्वास्थ्य मन्त्रालयको प्रस्तावमानै काभ्रेमा अवस्थित प्रदेश जनस्वास्थ्य प्रयोगशाला कार्यालयलाई भक्तपुर जिल्लामा स्थानान्तरण गर्ने निर्णय गरेको छ ।
यसैगरी, सहकारी तथा गरिबी निवारण मन्त्रालयको प्रस्तावमा समस्या ग्रस्त सहकारी व्यवस्थापन समिति गठन गर्ने निर्णय बैठकबाट पारित भएको छ ।
बैठकले समितिको अध्यक्षमा शिव प्रसाद सिग्देललाई मनोनयन गरेको छ भने, सदस्यहरुमा रामेश्वर ढकाल र दिपक केसीलाई मनोनयन गरिएको छ ।
